Skipet fekk langvarig kontrakt - lokalt verft får jobben med å byggja om
Over sommaren ventar ein kontrakt på 4,5 år.
Det er Island Offshore som har sikra langvarig arbeid for fartøyet «Island Condor».
- Ei fantastisk julegåve til reiarlaget!
- Me har jobba særs målretta for å sikre oss lengre oppdrag, og me er takksame for tilliten som kunden syner oss, seier administrerande direktør i Island Offshore Management AS, Tommy Walaunet.
«Island Condor» har i mange år jobba som walk-to-work fartøy på britisk sektor, men har siste året vore involvert i norske prosjekt. No skal båten byggjast om for ei langvarig kontrakt med ein norsk kunde, og kursen er dermed lagt for dei neste 4,5 åra, skriv Island Offshore i ei pressemelding.
- Våre forventingar for komande år vert med dette vidareført og forsterka. Me har god erfaring med å tilpasse skip til nye og attraktive segment, og at eit av forsyningsskipa våre no vert bygd om for anna verksemd er eit resultat av satsingsvilje, nytenking og drivande dyktige tilsette i organisasjonen, seier Walaunet.
Lokalt verft
Flåten til Island Offshore tel no 21 båtar i operasjon, og dei fleste av båtane er sikra godt med arbeid inn i 2024 og vidare, skriv dei.
«Island Condor» vart bygd ved Vard Brevik, og overlevert til reiarlaget i 2014. Fartøyet skal no til Myklebust Verft i starten av april 2024 og skal vera ferdig september 2024.
- Dette er ei stor og krevjande ombygging for «Island Condor», og då er det ekstra hyggjeleg å nytta lokale krefter og leverandørar. Me har eit langt og godt samarbeidsforhold til Myklebust Verft og andre leverandørar i regionen, og ikkje minst er det lettare for oss å følgje opp framdrifta når skipet vert liggande så nært kontoret, seier Walaunet.
Ombygging
«Island Condor» skal frå hausten jobba som konstruksjonsskip og vert utstyrt med to ROV, offshorekran, helikopterdekk og ein større batteripakke. Midtseksjonen på skipet vert forlengja, inklusiv innreiing, og ROV-hangar skal byggast.
Båten vert dermed rigga for å utføre inspeksjonsarbeid, kranarbeid og liknande mot både olje og gass- og fornybar sektor, skriv dei i pressemeldinga.
Island Condor har SPS klasse med lugarkapasitet til 83 personar, og har dermed god kapasitet til klientmannskap.
Trufast til klyngja
Etter levering i august 2024 skal fartøyet etter planen rett i arbeid. Myklebust Verft skriv i si pressemelding at det både for verft og reiarlaget har det vore viktig å nytte seg av leverandørar av utstyr og tenester frå den lokale maritime klyngja.
- Me er glade for at Island Offshore igjen har valt Myklebust Verft som samarbeidspartnar. Samarbeidsforholdet mellom Island Offshore og Myklebust strekker seg langt tilbake i tid. Me ser det som nok ei tillitserklæring frå reiarlaget at vi igjen har blitt valt for eit så stort og viktig oppdrag, seier Kristin Hide dagleg leiar i Myklebust Verft.
Les også:
-
Island Offshore med storsatsing i jubileumsår
I april 2024 var det 20 år sidan etablering av reiarlaget Island Offshore. No satsar reiarlaget offensivt igjen og bestiller eit toppmoderne hybrid Ocean Energy Construction Vessel frå Vard med opsjon på to til.
-
Skal bygge verdens største hydrogenferjer
Myklebust Verft har fått oppdraget med å bygge to hydrogenferjer for Torghatten Nord. Ferjene får en kapasitet på å frakte inntil 120 biler, og blir ifølge Torghatten Nord verdens største hydrogenskip.
-
Skipsteknisk designer fartøy med grønn energi for REM Offshore
Skipsteknisk er valgt til å designe det nye Energy Subsea Construction Vessel (ESCV) for REM Offshore i Fosnavåg.
-
Lysere utsikter etter krevende år for Havila og Hurtigruten
Da «Maud» fikk blackout og skader under uværet i Nordsjøen 22. desember, var det en av mange prøvelser de siste år for både Hurtigruten Group og Havila Kystruten.
-
Myklebust skal bygge nytt for Rem Offshore
Rem Offshore og Myklebust Verft har signert kontrakt på bygging av et Energy Subsea Construction Vessel (ESCV) med 250 tonn kran.