Den nye tenesta skal få varer ut på sjøen: – Me skal gjera det enkelt

Den skal gjera det enklare for vareeigarane å nytta havet som transportveg. Det er ein vareeigaranalyse, gjort av Shortsea Promotion, som har synleggjort behovet for tenesta.

– Når me avdekkjer at vareeigar slit med å finna informasjon om korleis ein kan nytta sjøvegen, då må me hjelpa dei. Me skal hjelpa dei med å betra informasjonsflyten og hjelpa dei å ta betre val. I tillegg til å hjelpa dei, kan me hjelpa bransjen og skapa ein ny salskanal for speditørane og reiarlaga, sa Jørn Askvik, representant for Shortsea Promotion Center.

Denne tenesta skal forenkla heile prosessen. Rett og slett gjera informasjon om sjølogistikk tilgjengeleg.