Kongsberg Digital skal digitalisera flåten til Roro-reiarlaget

Kongsberg Digital og Höegh Autoliners har jobba tett sidan 2019, skriv selskapa i ein pressemelding. Då var Höegh Autoliners den første kunden for “Vessel Insight”, som er Kongsberg Digital sin sky-infrastruktur. 

Dette vert brukt til å finna nye måtar å redusera utslepp, auka føreseielegheiten og betra sikkerheiten. Selskapet har soleis vore ein viktig pilot for Kongsberg Digital, skriv dei i pressemeldinga.

- Med vår nære historie er Höegh Autoliners meir ein partnar enn ein kunde for oss; selskapet er eit digital, ambisiøs føregangsselskap som delar ein lidenskap for innovasjon og berekraft. Den beste og einaste måten å møte berekraftsambisjonar og dei stadig aukande utsleppsreguleringane innan maritime sektor er å samarbeida om problemstillingane. Me er stolte av å vera Höegh Autoliners tiltrudde digitaliseringspartnar, og Kongsberg Digital ser verkeleg fram til å jobba tett med Höegh Autoliners i åra som kjem, seier administrerande direktør i Kongsberg Digital, Shane McArdle.

Dei har no formalisert ein avtale om å utvida samarbeidet deira. Kongsberg Digital skal digitalisera den eksisterande flåten til Höegh Autoliners og dei nye Aurora-klasse fartøya. 

- Me går jamt og trutt mot nullutslepp, samstundes som me konsekvent leverer pålitelege havtransportløysingar til våre globale kundar. For å nå dette målet digitaliserar me flåten vår aktivt ved hjelp av Kongsberg Digital teknologi, seier administrerande direktør i Höegh Autoliners.

- Dette vil akselerere vegen vidare mot meir berekraftige, effektiv og transparent drift, samstundes som me sikrar at fartøya våre er i forkant av digitalisering i bransjen. Å omfamna den digitale revolusjonen gjer oss i stand til å tilby forbetra tenester til våre verdsatte kunder over heile verda.