Revidert nasjonalbudsjett:
Olje- og energiminister Terje Aasland (AP)
Foto: Jo Henrik Jarstø / OED
Vidarefører støtta til Langskip
Regjeringa vidarefører satsinga på karbonfangst og -lagring i Langskip-prosjektet. Det er varsla at prosjektet blir noko forseinka, men det er god dialog med dei involverte partane.
- Karbonfangst og -lagring er heilt nødvendig for å nå klimamåla og behalde industriarbeidsplassar i Europa. Det er stor interesse for å utvikle kommersielle CO2-lager på norsk sokkel, seier olje- og energiminister Terje Aasland i ei pressemelding.
Langskip er eit fullskala prosjekt der CO2 skal fangast på sementfabrikken Norcem i Brevik (Heidelberg Materials) og på avfallsforbrenningsanlegget på Klemetsrud i Oslo (Hafslund Oslo Celsio). Deretter skal CO2-en fraktast til Øygarden utanfor Bergen og pumpast gjennom røyr ut på sokkelen der den skal lagrast trygt 2600 meter under havbotnen.
Norcem forventar oppstart i 2025
