Havila Kystruten i Stad skipstunnel.
Foto: Kystverket
NRK: Stad Skipstunnel skal ut på anbod
Regjeringa startar anbodskonkurransen, og prosjektet Stad skipstunnel vert sendt ut i marknaden i 2024, skriv statskanalen.
Hav- og fiskeriminister Bjørnar Skjæran og Finansminister Trygve Slagsvold Vedum delte nyhenda med lokale senterparti-toppar på Selje i Nordfjord torsdag, skriv NRK.
– Stortinget har vedteke prosjektet med eit breitt fleirtal og det at vi no legg det ut i marknaden er viktig for å finne ut om det er mogleg å realisere prosjektet innanfor den ramma Stortinget har sett. Det er vårt mål, seier Vedum til Nrk.
Våren 2021 vedtok Stortinget 2021 at Stad skipstunnel kan byggjast innanfor ei kostnadsramme på 4 milliardar kroner. Prisjustert ramme for 2024 er det anslege til 5 milliardar.
