Får Storegutprisen 2023
Fjord1 og matkonseptet deira, Ferdamat, vert heidra under Litteraturdagane i august.
Det kjem fram i ei pressemelding frå Nynorsk Kultursentrum. Selskapet nyttar nynorsk i all marknadsføring og informasjon, både opp mot publikum og elles i næringsdrifta.
Storegutprisen blir gjeven til den eller dei som på ein positiv måte nyttar eit levande og ledig nynorsk i det offentlege rom. Storegutnemnda meiner at Fjord1 og Ferdamat fyller tildelingskriteriet og vel så det.
Leiar i Storegutnemda, Aasmund Nordstoga, seier at det krev både mot og integritet å gjera all marknadsføring på nynorsk.
– Selskapet gjer det som ein heilt naturleg del av verksemda si, og viser at nynorsk er godt eigna til kommunikasjon med eit mangfaldig publikum, så lenge fokus er på god kommunikasjon i eit kort og tydeleg språk, seier Nordstoga.
Stor stas
Kommunikasjonsmedarbeidar i Fjord1, Hilde Anita Røyrvik, seier at tildelinga er stor stas og noko selskapet er stolte av.
– Vi har nytta nynorsk målform i det offentlege rom i mange år; både om bord i fartøya, på nettsidene, i rapportar, i sosiale media og i malverket vårt. For oss er det naturleg å skrive nynorsk, der målet er å skrive på ein god, lett og forståeleg måte. Det er viktig for oss å ikkje bli for konservative i skriftspråket, men vise at det går an å skrive nynorsk som alle forstår. Vi er svært audmjuke og glade for at vi vert lagt merke til, og ønskjer samtidig å takke Vener av Vinjesenteret for prisen, seier Røyrvik.
Les også:
-
Forlanger at ferger går
Fylkesordfører i Vestland, Jon Askeland (Sp) krever at rederiene ordner opp i bemanningsproblemene som har ført til flere innstilte ferger den siste tiden.
-
Tersan skal bygge autonome ferger
Fjord1 har tildelt Tersan Shipyard i Tyrkia oppdraget med å bygge de fire fergene som skal trafikkere sambandet Lavik - Oppedal fra september 2026.
-
Her er MF «Sunnylvsfjord»
MF «Sunnylvsfjord» vart offisielt overdrege til Fjord1 mandag.
-
Signerte kontrakt om verdas første ferjesamband med sjølvgåande ferjer
Fjord1 og Statens vegvesen har signert kontrakt om drift av riksvegferjesambandet E39 Lavik-Oppedal.
-
Fra fossilt til elektrisk til Askøy
I oktober 2022 ble det klart at Fjord1 hadde vunnet oppdraget om å trafikkere hurtigbåtsambandene mellom Bergen og Askøy, samt Nordhordlandsruta fra Bergen til Frekhaug og Knarvik i Alver kommune.