Det flytande hotellet er klar for oppdrag: – Dette er bra

– Dette er bra det. Fartøyet framstår idag slik som det vart planlagt og me er svært nøgd med resultatet, fortel reiar, Hans Martin Gravdal.

Det 83,4 meter lange og 18 meter breie skipet vart kjøpt i januar 2022. I februar vart det levert til verftet Fjellstrand AS, i Hardanger. Her har skipet gått gjennom ei omfattande ombygging frå Platform Supply Vessel (PSV) til Walk to Work- skip.

– Desse båtane er noko ein nyttar typisk inn mot vindmølleindustrien, men vert og nytta til olje- og gassinstallasjoner som er ubemanna eller har få overnattingsplassar. Då treng ein eit skip som kan vera hotell for arbeidarane, fortel salssjef i Fjellstrand AS, Olav Lie.