Kan bli innstillingar eller forseinkingar på sambandet
Hovudfartøyet i sambandet Brattvåg–Dryna, MF «Haram», skal på eit planlagd verkstadopphald.
Det er derfor sett inn reservefartøy fram til tysdag neste veke. Dette kan gjere at det blir innstillingar eller forseinkingar dersom veret tilseier at det er naudsynt, skriv FRAM i ei pressemelding.
Årsaka til at FRAM og Torghatten Nord ber trafikantane om å vere førebudd på at det kan bli innstillingar eller forseinkingar, er at reservefartøyet er sertifisert for fartsområde 2.
Dette er i tråd med kontraktskrava, sidan ferjesambandet Brattvåg–Dryna ligg innanfor fartsområde 2. Det er likevel slik at området sambandet går i, ligg tett opp mot grensa til fartsområde 3, som har andre krav til sertifisering av fartøyet. Hovudfartøyet MF «Haram» er sertifisert for fartsområde 3, og har av og til kryssa over i det andre området når forholda tilsa at det var naudsynt for å oppretthalde rutetidene.
Det kan ikkje reserveferja gjere.
– Viss veret held seg bra framover, er det godt mogleg at rutetilbodet ikkje vil bli påverka av at det går eit reservefartøy i sambandet. Men sidan vi er på ei tid av året då det kan vere litt vind og sjø, vil vi gjerne gjere trafikantane førebudde, seier Jesper Wiig, seksjonsleiar for drift i FRAM.
– Både FRAM og Torghatten Nord vil sjølvsagt at ferja skal gå som normalt og at rutetidene skal oppretthaldast. Det ligg alltid gode faglege vurderingar bak ei avgjersle om å innstille avgangar eller avpasse farta til vêrforholda eller annan trafikk i leia, seier han.
Les også:
-
Ei ferjekai proppfull av sensorar
Magerholm ferjekai er full av sensorar og teknologi som skal gi svar på korleis vi på ein smartare måte kan ta vare på kaianlegg som er utsett for sterke krefter.
-
Fekk batteripakke på ferja i 2019 - no utvidar dei kapasiteten
Osterøy ferjeselskap AS skal utvida batteripakken sin. Med det får dei 897,6 kWh om bord ferja MF «Ole Bull».
-
Ny Torghatten-sjef applauderer strengere utslippskrav
- Ferje og hurtigbåt er kritisk infrastruktur for folk langs kysten, og viktig i livene til folk. Vi ser at samferdsel har fått stor oppmerksomhet i årets lokalvalg, og det lover godt for nye satsinger, sier Jan Volsdal, administrerende direktør i Torghatten.
-
To selskap ynskjer forlengja løyve på strekninga Geiranger- Hellesylt
Fylkeskommunedirektør Toril Hovdenak, i Møre og Romsdal, tilrår å seia ja i begge sakene.
-
Lokalvalget er også en tid for å hylle modige politikere
De tusenvis som opplevde Havnelangs-festivalen eller tok en tur til øyene i indre Oslofjord forrige helg, fikk oppleve fjordens stillegående og utslippsfrie ferger. Disse er et direkte resultat av våre modige og fremsynte politikere, myndigheter og transportaktører.