Har designa fartøy for tungtransport
Eit aukande behov i offshore vindmarknaden er årsaka.
Offshore-vind bransjen veks og for å møta krava til dei stadig større offshore-vind komponentane som skal transporterast over heile verda har Ulstein designa transportfartøyet HX121.
Designet har Ulstein X-Bow som skal betra sjødyktigheita, maskimera dekkskapasiteten og optimalisera skipet for lågt drivstofforbuk, skriv dei i ei pressemelding.
Designet skal vera effektivt og balansert. Det nyttar allereie utprøvd teknologi og kan bli skreddarsydd for DP2.
Dei trur den noverande flåten av tungtransportfartøy ikkje møter den framtidige etterspurnaden til havvindsegmentet og peikar på at det i løpet av dei neste 10 åra er det spådd at offshore vind skal stå for 380 Gigawatt, fordelt på 32 marknadar.
Det betyr at i tillegg til ein stor installasjonsfartøysflåte er det naudsynt med tonnasje for å transportera fundament og vindturbinar, frå alle stadar i verda til hamner eller offshore- felt.
Ulstein skriv i pressemeldinga at marknaden no ser etter meir effektive og lågutsleppsfartøy for å transportera dei store komponentane.
- HX121 er utvikla i samband med industripartnarar for å tilpassa denne generasjonen av tungtransportfartøy til nøkkelkrava, fortel Edwin Van Leeuwen, som er administrerande direktør i Ulstein Design & Solutions BV.
HX121 er det nyaste og største designet Ulstein har i sin portefølje av tungtransportfartøy.
For å finna den optimale hovuddiemsjonane og servicehastigheitane har dei nytta det dei kallar Ulstein Blended Design-metoden. Dette gjev moglegheita til å minimera mengden drivstoff per transporterte komponent, ved å finna dei optimale dimensjonane og hastigheit for transporten av komponentane.
Designet har òg fokusert på lasting og lossing ved å nytta roll-on roll-off teknologi (Roro).
Skipet er desginet for metanol, noko som skal tilfredstilla marknadens etterspurnad av lågutsleppsdrivstoff. Dei peikar på at å driva fartøyet med grøn metanol vil redusera karbonavtrykker dramatisk, medan E-metanol til og med kan redusera det til null.
Dei hevdar det er det beste valet av drivstoff, då det er sikrast, enkelet og lagra og relativt billig å produsera.
Les også:
-
Leverandør sikrar gigantordre på motorar i Kina – DNV meiner drivstoffet blømer
Wärtsilä skal levera motorar som går på metanol, eit alternativt drivstoff DNV meiner vil bre om seg i Kina dei neste åra.
-
Meklaren prøvde etter beste evne å spå marknaden framover
Mads Malling, seniormeklar i Clarkson, drog gjennom stoda i offshorenæringa under One Ocean Week. Han peika raskt på at fleksibilitet i fartøya frå dag ein er viktig, både for no og i framtida.
-
Nytt Maersk containerskip døpt i Japan
A.P. Møller - Maersk kunne fredag motta sitt siste nybygg «Astrid Maersk», som er det andre av rederiets store metanoldrevne containerskip.
-
«Olympic Boreas» sjøsett
Laurdag 6. april vart konstruksjonsstøttefartøyet (CSOV) «Olympic Boreas» dokka ut frå dokkhallen ved Ulstein Verft. Skipet er basert på den nye TWIN X-STERN-løysinga - sjøens svar på 'firehjulsdrift', ifølgje reiarlaget.
-
Har fått overlevert «Edda Goelo»
Astilleros Balenciaga har overlevert «Edda Goelo» til Edda Wind. Overleveringen skjedde like før påske.