«WINDEA Curie» levert

Nøkkelfunksjonar i skipet inkluderer ein rørslekompensert gangveg og heistårn, eit helidekk og 3D-kompensert kran, noko som gjer det ideelt for ulike offshoreprosjekt, inkludert havvind og offshore olje og gass. 

SX222-designet er utvikla av Ulstein Design & Solutions AS.

Fartøyet, saman med søsterskipet som vil bli levert seinare i år, representerer lange tradisjonar innan maritim innovasjon, med avansert teknologi, høge sikkerheitsstandardar og effektivitet i offshore-operasjonar.

– Vårt nye havvindskip, «WINDEA Curie», styrkar offshore-flåten vår, som no femner om fire svært moderne fartøy, seier Matthias Müller, administrerande direktør i BSO. Alle desse skipa er designa og bygde av Ulstein.

– Det nye skipet og søsterskipet vil ikkje berre auke kapasiteten til offshore-flåten vår, men også styrke konkurranseevna og omdømmet på grunn av designfunksjonane, særleg med tanke på drivstofføkonomi og fleksibel bruk.

– Vi er glade for å levere «WINDEA Curie» til Bernhard Schulte Offshore. Dette er ein ny milepåle i det gode og lange samarbeidet vårt. Skipet synleggjer den innovative krafta og dei høge standardane som kjenneteiknar dette samarbeidet. Saman bidreg vi til å utvikle maritim teknologi og berekraft, med eit skip som kan bidra til høg yteevne og pålitelege offshore-operasjonar, seier Lars Lühr Olsen, administrerande direktør i Ulstein Verft. 

90 lugarar

Fartøyet har ein X-STERN i kvar ende for mjuke rørsler, auka komfort og redusert drivstofforbruk. Motorane har høg effektivitet og eit varmegjenvinningssystem for å sikre optimal yting og redusert miljøpåverknad, i tråd med Schulte Group sitt engasjement for berekraft.

Fartøyet har opptil 90 lugarar med dagslys, som skal gi komfortable levekår for offshore-personell. Dei totalt 111 lugarane kan huse opptil 132 personar.

Med avanserte DP-system og TWIN X-STERN-teknologi held fartøyet presis posisjonering og stabilitet sjølv i krevjande offshore-forhold. Denne evna er avgjerande for å oppretthalde operasjonell evne og sikkerheit.

Den rørslekompenserte Ampelmann-gangvegen og den 3D-rørslekompenserte Motus-krana representerer ei vesentleg oppgradering samanlikna med tidlegare BSO-fartøy. Krana kan handtere lastar på opptil 5 tonn under optimale forhold, noko som aukar den operasjonelle effektiviteten og fleksibiliteten.

Se bilder fra nybygget: