Meir enn dobla inntekter

Samanlikna med 2023 er omsetninga meir enn ein dobling av inntektene som då enda på 1,4 milliardar. Også driftsresultatet er markant høgare enn i 2023, då resultatet enda på 49,2 millionar. Resultatet før skatt enda i 2024 på 135,1 millionar, mot 40 millionar i 2023, heiter det i ei pressemelding frå Ulstein.

Ulstein Verft leverte to konstruksjonsstøttefartøy (CSOV-skip) til Olympic i 2024. Dette er dei første leverte skipa som baserer seg på den prisvinnande TWIN X-STERN®-løysinga, som det totalt har vorte bestilt ti av så langt. 

Reiarlaget kan vise til reduksjonar i drivstofforbruk og utslepp på nær 50 prosent, samanlikna med andre seglande CSOV-ar. 

Nybyggingsaktivitetar for konsernet inkluderer åtte Ulstein-designa CSOV-ar til tre ulike reiarar, for tida i ulike konstruksjonsfasar, eit stort kabelleggingsskip for Nexans, og eit ekspedisjonscruiseskip for SunStone Ships, nummer sju av ULSTEIN CX103-designet i SunStone sin Infinity-klasse. 

Saman med engineeringskollegaene våre i Gdynia, har designteamet i Rotterdam utvikla eit tungløftskip for japanske Penta-Ocean Construction. Eit anna høgdepunkt inkluderer design av eit neste generasjons steininstallasjonsskip, som integrerer avanserte steinhandterings- og fallrørsystem.

18 ettermarknadsoppdrag

På tvers av selskap har Ulstein sine team vore involvert i ulike ettermarknadsoppdrag i 2024, og sikrar at skipa held seg konkurransedyktige og i samsvar med maritime standardar. Ulstein Verft handterte 18 service- og ettermarknadsoppdrag, der ombygginga av fôrbåten «Eidsvaag Pioner» var det største. Dette store prosjektet involverte installasjon av eit moderne fôrsystem, og involverte alle avdelingar ved verftet.

Ulstein Power & Control har ein portefølje på 450 skip og held fram med å tilby global service og garantistøtte. Målet vårt på lang sikt er å minimere effekten av dei sykliske variasjonane i den maritime industrien ved å fokusere på ettermarknad og ombyggingar, digitale produkt og tenester, saman med skipsbygging, design og løysingar.

For å akselerere overgangen til eit lågutsleppssamfunn og samtidig auke produktiviteten i den maritime verdikjeda, ser Ulstein på nye måtar å bruke data og digitale verktøy. Vi nyttar data frå sensorar installert på skipa gjennom vår skip-til-sky-baserte løysing Blue Box (tm), for å analysere og gi skipseigarane betre beslutningsstøtte i sine marine operasjonar, i tillegg til å forbetre og optimalisere designa våre.

Geopolitisk usikkerheit

Som i tidlegare år fører den geopolitiske situasjonen til usikkerheit, og fokuset på sikkerheit og beredskap har blitt ytterlegare intensivert. Med dette som bakteppe er Ulstein førebudd på å kunne bidra aktivt til å styrke den maritime sikkerheita i Noreg og resten av Europa.

Utviklinga av Ulstein Group sine resultat framover vil i stor grad bli påverka av geopolitiske forhold, marknadsetterspurnaden i våre prioriterte segment, inflasjon og tilgang til kvalifisert arbeidskraft. I tillegg til eigen prosjektstyrings- og gjennomføringsevne, og stabile og konkurransedyktige rammevilkår.

Les også:

Ulstein og Larsnes samarbeider om nye standardfartøy

Prisdryss til Ulstein