Skal visa veg for å redusera utslepp i to store sektorar

Representantar frå klima-og miljødepartementet var tilstades for å ta i mot den nye planen for korleis maritim sektor og bygg og anleggssektoren skal samarbeida om å redusera utsleppa av klimagassar knytt til transport for bygg- og anleggssektoren.

Politisk rådgjevar Maria Varteressian steppa inn for klima- og miljøminister Espen Barth Eide og tok i mot rapporten frå Narve Mjøs, direktør for GSP.

– Det me skal snakka om i dag er korleis me skal sikra at framtida vert sirkulær, fornybar og grøn. Her er skipsfartsnæringa, og bygg og anleggssektoren nøkkelen. Alle sektorar må bidra, og det er motiverande å sjå at to så store sektorar dreg i same retning, sa den politiske rådgjevaren.