«Statsraad Lehmkuhl» er attende komen

Her vart skipet møtt av eit folkehav av begeistra bergensarar, samt prominensar som byrådsleiar og ordførar av Bergen, fylkesordførar i Vestland og Hans Majestet Kongen.

- For eit vêr, for eit oppmøte og for eit fantatisk skip me har. Det er fantastisk å sjå så mange her i dag, sa ordførar Linn Kristin Engø i sin tale.

Det staslege skipet er 98 meter langt og 12 meter breitt. Med småbåtkortesje innover mot Vågen, og kadettar i kvar ei mast segla skipet inn i ein solfylt vestlandshovudstad.