MS «Stangfjord»
Foto: MS Stangfjord Veteranbåtlag
MS «Stangfjord» er heim komen
MS «Stangfjord» kom i slutten av mai heim til heimehamna, her har veteranskipet fått ein flunka ny kai.
- Det var fantastisk å sjå MS «Stangfjord» kome inn fjorden. Eg fekk klump i halsen, sa leiar i Veteranbåtlaget MS Stangfjord, Atle Vie til avisa Firda då skipet kom heim 20. mai.
Vie takka både kommunen, fylkeskommunen, staten og andre gode hjelparar. Med eit enormt dugnadsarbeid i løpet av dei siste åra er båten sett i stand.
- Det har gått nokre tusen timar.
