Lasteskipet «Torvaag» grunnstøytte i går. I dag byrjar kartlegging av skadeomfanget.
Foto: Knut Lasse Torhus
Vil ikkje spekulera i årsaka, skal kartlegga skadeomfang i dag
Lasteskipet «Torvaag» grunnstøytte torsdag, kva årsaken er vil ikkje den dagleg leiaren spekulera i.
– Me har flinke folk om bord, men ting kan skje. Det kan skje den beste. Årsaka veit eg ikkje, men båten har køyrt på grunn, seier dagleg leiar i Molde Sjøtransport AS, Knut Lasse Torhus.
Redningsskøyta Erik Bye rykte i går ut for å hjelpa båten av skjæret. Kystvakta og brannvesenet stilte med lensepumper for å få ut vatnet båten tok inn.
Lasteskipet kom seg til hamn for eiga maskin og lossa asfalten som var om bord. Det skal ikkje vera snakk om forureining eller personskade etter hendinga.
