Islagd fjord skapar trøbbel for dei prisløna båtane

– Me har hatt dette problemet sidan byrjinga av desember. Det er is i fjorden, så me kjem oss ikkje inn i siste delen av Nærøyfjorden, fortel driftsleiar i The Fjords, Rune Midtkandal.

Det er andre år på rad at isen har laga trøbbel for dei heileletriske båtane MS «Future of the Fjords» og søsterskipet MS «Vision of the Fjords», som går turistruta mellom Flåm og Gudvangen.

Det har ført til at dei no lagt om ruta frå Flåm, til den ytre delen av Nærøyfjorden, før dei snur attende til Undredal og sender turistane med buss tilbake.