Ferjekaibrua på Kvamsøya må bytast
Etter samanstøyten mellom ferja MF «Kvam» og ferjekaia på Kvamsøya, er det no klart at ferjekaibrua må bytast.
Samanstøyten skjedde natt til måndag då MF «Kvam» skulle legge til kai på Kvamsøya. Ferjekaibrua fekk såpass omfattande skader at den må bytast ut. Ny ferjekaibru skal etter planen bli montert førstkomande torsdag, skriv Møre og Romsdal fylkeskommune i ei pressemelding.
Reserveferja MF «Kvam» må på verft, og hovudfartøyet MF «Os» er ute av drift. Norled jobbar framleis med å få på plass ei anna ferja i sambandet, men har på det noverande tidspunkt ikkje meir informasjon om dette.
Passasjerbåten MS «Liv» vil betene sambandet inntil vidare. Båten vil følge same rutetabell som ferja.
