Er dei første som koplar seg til landstraum på Island 

Hurtigruten Expeditions, som nyleg skifta namn til HX, har nådd ein ny nullutslepps-milepåle. Dei er det første cruisereiarlaget som har kopla seg til landstraum på Island.

I midten av september kopla nemleg MS «Maud» seg på Island sitt straumnettverk Faxagardur terminalen i Reykjavik.  Det norske selskapet Power & Automation er leverandør av landstraumsanlegget i Island.

MS «Maud» og resten av flåten kan no plugga seg inn og med det redusera utslepp medan det ligg til kai. Med dette kuttar dei utsleppet til null, skriv dei i ei pressemelding. Sidan 2021 har alle, utanom eit skip, i hurtigruten sin flåte vore utrusta med landstraumtilkopling, skriv dei.