Det tredje søsterskipet er klart
Edda Wind har fått sin tredje CSOV.
«Edda Nordri» vart nyleg døypt i Spania. Fartøyet er av same design som dei andre som vert bygd hjå Gondan Shipbuilders. Dei skal byggja seks fartøy og «Edda Nordri» var nummer tre.
I ei pressemelding skriv selskapet at Edda Wind sine nye fartøy skal setja ein ny standar i offshore vindmarknaden. Skipet vart levert 7. september og skal vera klar til drift i fjerde kvartal i 2023.
- «Edda Nordri» er nummer tre av seks søsterfartøy som vert levert av Gondan Shipbuilders, og eg er glad for å presentere fartøyet i dag. Me er takksame for alle som har bidrege for å gjera denne dagen så spesiell. Takk til Gondan Shipbuilders for deira innsats i å byggja dette fartøyet, og takk til alle andre som har vore med på dette prosjektet. Ikkje minst, takk til Tone Lunde Bakker for å vera gudmor. Edda Wind-flåten veks raskt, noko som er etter planen og innan 2026 vil me ha 14 fartøy, sa CEO i Edda Wind, Kenneth Walland.
Fartøya skal husa vindturbinteknikarar medan dei arbeider på offshorevind turbinar. CSVOen er 88,3 meter lang og 19,7 meter brei. Det rommar opp til 120 personar.
Skipet er budd for å ta i bruk nulltusleppsoperasjonar, med hydrogenbasert framdriftssystem, som er basert på Liquid Organic Hydrogen Carrier (LOHC).
«Edda Nordri» sitt første prosjekt vil vera for vindturbinprodusenten Vestas.
Les også:
-
Sel seg heilt ut av Edda Wind - kypriot kjøper seg opp
Østensjø Wind AS, eit heileigd dotterselskap av Østensjø AS, sel 21.300.00 aksjar i Edda Wind.
-
Har fått overlevert «Edda Goelo»
Astilleros Balenciaga har overlevert «Edda Goelo» til Edda Wind. Overleveringen skjedde like før påske.
-
Vinden blåste rett veg i tredje kvartal
Edda Wind presenterer gode tal og har tru på framtida.
-
Stor norsk investor lastar opp i Edda Wind
John Fredriksen har auka sin beholdning i Edda Wind.
-
Gigantkontrakt til VARD
VARD har signert nye kontrakter for design og bygging av fire Commissioning Service Operation Vessels (CSOVs) for norske Edda Wind med datterselskaper. Kontraktene for de fire skipene har en samlet verdi på over 2,7 milliarder kroner.