Skal drifta fartøy dei tidlegare har kansellert

– Me er stolte over å kunngjera supplementet til flåten vår, og få «Edda Fortis»
i drift. «Edda Fortis» komplementerar vår flåte og styrkar “flotell”(flytande hotell)-segmentet vårt. Me ser fram til å fortsetja å tilby høgkvalitets flotelltenester til våre kundar, seier administrerande direktør i Østensjø Rederi, Kristian Helland Vea.

«Edda Fortis» er eit spesialbygd mono-hull flotell, designa for flotell tenester av høg kvalitet. Fartøyet har eit avansert bevegelseskompensert-gangvegsystem som sikrar sikker og enkel adgang til og frå offshoreinstallasjonar.

– Me er optimistar for framtidsutsiktene for denne type båt. Det er ein kjempebåt på alle måtar. Det er utruleg godt tilrettelagt for dei som er om bord, med både basseng, stor konferanse- og kinosal. Ikkje minst er det ein teknisk godt spekka båt, i forhold til sikkerheit, posisjonering og det som er.