Dei har sjølv eit ynskje om at fylket tek over, men håpar dei vinn anbodet for å drifta sambandet

- Det er 99 prosent sikkert at det vert offentleg, fortel Helge Kalvenes, i Osterøy Ferjeselskap.

Han peikar på at det no er opp til Vestland fylkeskommunen om dei vil ha ferjesambandet Valestrandfossen- Breistein. 

I april melde Kommunaldepartementet at sambandet kan inkluderast i det som vert kalla utgiftsutjamning. Ei ordning som gjer at fylkeskommunar med store utgiftsbehov får ekstrainntekter. Sidan fylkeskommunal ferjedrift vert finansiert med frie midlar, er det difor opp til fylkeskommunen om dei ynskjer å prioritera midlane til ferjesambandet.