Noreq tildelt banebrytande kontrakt av PaxOcean Engineering

Kontrakten omfattar åtte sett med livbåtar og davitar, samt ein rask MOB-båt og davit, per rigg.

PaxOcean består av seks verft i Asia som tilbyr skipsreparasjonar, ombyggingar, bygging av ny offshorefartøy, og konstruksjonstenester for riggar. I 2012 tildelte Pacc Offshore Services Holdings (POSH) PaxOcean kontrakten for ombygging av eit brønnintervensjonsfartøy til ein høgspesifisert DP3 halvt nedsenkbar bustadrigg (Semi-Submersible Accommodation Vessel - SSAV). I år tildelte POSH den andre kontrakten for ei ny, tilsvarande konvertering. Ombyggingsarbeidet vil bli utført ved PaxOceans verft i Zhoushan, og er forventa å vera ferdig innan fjerde kvartal i 2014.

Noreq er stolt over å vera den utvalde leverandøren av redningsutstyr til dette innovative prosjektet. Leveransen vil bli ein milepæl for Noreq, både med omsyn til talet på livbåtar som blir levert og det faktum at dette vil vera den første leveransen av vår nyutvikla livbåt for 150 personer, LBT 1180.

- Marknaden for store livbåtar i denne bransjen er aukande, og i Noreq er me glade for å tilby ein livbåt av denne storleiken som ein del av vårt produktutval for offshore- og shippingindustrien. Saman med livbåtane, leverer me også ein helt ny davit som er basert på vårt fullt ut lukka design, NRD 23000. Dette er ein pakke med stort marknadspotensial i tida framover. PaxOceans nye SSAV-ar er verkeleg unike bustadriggar med skipsskrog, og dei første av sitt slag. Me er glade for at PaxOcean valde å setja si lit til, og inngå partnarskap med Noreq for desse skroga. Me er også svært fornøgde med at selskapet har valt den nye generasjonen davitar, som vil utfylla fartøya med sin eigenart, høge kvalitet og - viktigast av alt - tryggleik, seier Styrk Bekkenes, dagleg leiar i Noreq.

- PaxOcean har jobba tett med POSH i valet av utstyr som SSAV-ane skal rustast ut med. For livredningsutstyret må den valde partnaren ha gode referansar for leveransar av pålitelige livbåtar og davitar med høg kvalitet. Det vil ikkje bli inngått kompromiss når det gjeld tryggleiken. Med sin nyaste og innovative design, og merittlista til selskapet, er me sikre på at Noreqs leveransar vil møta forventninga vår, seier Danny Kwek, direktør i PaxOcean Engineering.

SSAV-ane blei utvikla av Eide Marine Service, ei av nabobedriftene til Noreq. I utviklinga av de to fartøya valde Eide Marine Services Noreq som føretrekt leverandør av livredningsutstyr, og dei to selskapa har hatt eit nært og entusiastisk samarbeid om å definera det fullstendige omfanget av livredningspakken. I Noreq er me både stolte og glade for at dette lokale samarbeidet resulterte i den banebrytande kontrakten med PaxOcean Engineering.

- Dei to SSAV-ane vil vera dei mest innovative bustadriggane i verda, og treng like nyskapande livredningsutstyr for å sikra tryggleiken til personellet om bord på ein best mogleg måte. Me kjenner Noreq som ein sterk leverandør av førsteklasses livredningssystem, og for dette prosjektet var Noreq-utstyret eit klart val for oss, seier Georg Eide, administrerande direktør i Eide Marine Services.