Han sopte til seg over halvparten av stemmene - no vert skipperen landkrabbe og ordførar

Konstitueringa er 26. oktober, men han har allereie starta med opplæring og hatt ein del møter. Leka kommune har 580 innbyggjarar, og er ifølgje den komande ordførararen ein av landets minste.

Sjølv kjem han frå jobben som skippar på Torghatten si ferje i Leka. Han er 48 år, har fire ungar og har vore på sjøen sidan 1997. Dei neste fire åra må han vera landkrabbe.

- Det vert ei stor omstilling. Eg har hatt det veldig fint, trygt og godt på arbeidsplassen, med gode kollegaer. Det vil eg få i ordførarrolla og, men ein vert kanskje meir åleine i ordførarrolla. Det er òg ein jobb som går 24 timar i døgnet.