Hurtigruta får 67 millionar til grønt prosjekt

Prosjektet starta våren 2022, med ei målsetjing om å laga det første utsleppsfrie hurtigruteskipet, som skal gå mellom Bergen til Kirkenes, innan 2030.

– Det at me får stønad frå Grønn Plattform betyr mykje for prosjektet. Det gjer at me og dei 13 andre partnarane våre raskt kan koma i gang med neste fase av prosjektet, seier administrerande direktør i Hurtigruta Noreg, Hedda Felin.

Dei 67 millionane dei har fått innvilga dekkjer omlag halvparten av prosjektkostnaden på 123 millionar. Resten er det Hurtigruta og samarbeidspartnarane som tek sjølv.