UT 535 E

Ny Brasil-kontrakt til Rolls-Royce

Rolls-Royce har inngått kontrakt med Navegação São Miguel Ltda i Brasil om levering av design og utstyr til to offshorefartøy.

Publisert Sist oppdatert

Denne artikkelen er tre år eller eldre.

Fartøya av det nye designet UT 535 E, vil i hovudsak utføre oljevernberedskap. Ved levering frå reiarlaget sitt eige verft i midten av 2012 skal fartøya inn i langtidskontrakter med Petrobras. Verdien av leveringar til desse to fartøya er på ca 100 millionar kroner for Rolls-Royce, og kontrakten inkluderer også opsjonar for ytterlegare to fartøy.
- Rolls-Royce har levert design og utstyrt til svært mange fartøy i den brasilianske marknaden, seier Jørn Heltne, direktør ved offshore designavdelinga i Rolls-Royce.
- Vi er svært glade for å halde fram dette gode forholdet til eigarar og verft i Brasil. UT 535 E-designet er utvikla for å tilfredsstille Petrobras sine spesifikasjonar for offshorefartøy med system for å hindre skadeverknadar frå oljesøl og med kapasitet til å transportere oppsamla oljesøl.
Fartøya av dette nye UT 535 E-designet er 61,7 meter lang, med dieselelektrisk framdriftssystem og ei dødvekt på 1400 tonn. Fartøyet kan frakte rør og anna last på dekk i tillegg til flytande cargo i tankar. Oljeoppsamlingsutstyret tilfredsstiller Petrobras sine krav med tankkapasitet på 770 kubikkmeter oppsamla olje. Fartøya vil ha brannsløkkingskapasitet, dynamisk posisjonering og tilfredsstille Clean Class-krav, og er tilrettelagt for eit mannskap på 21 personar.
I tillegg til design skal Rolls-Royce levere ein stor integrert systempakke. Fartøya vil bli bygd til DNV-klasse og segle under brasiliansk flagg.